Shillong:Ka elekshon MLA shapoh ka iingdorbar thawaiñ ka jylla ka lah jan bad ka jingpynkhreh jong ki riewshimet bad kumjuh ruh ki seng saiñ pyrthei ka la kham jur bad katkum ki khubor kiba la her kylleng sawdong la sngewthuh ba na North Shillong Constituency, ki kyrtong ki ban mih bad ai reng ha katei ka elekshon MLA kin long kham bun namar jan na baroh ki seng saiñ hima sima ki la pynkhreh ban sei bad pynieng ia la ki jong ki kyrtong ki ban iakhun na katei ka konstitwensi.
Na ka liang u Bah Adelbert Nongrum u ba dei u MLA ka Khun Hynniewtrep National Awakening Movement(KHNAM) na North Shillong u la ong ba ka elekshon hi ka leit bad ka wan bad lada don kiba kwah ban ieng bad iakhun ruh ka shong ha ka mon ba laitluid jong ki namar baroh ki briew ki don ia la ka jong ka mon laitluid bad ka riti synshar ka ri ruh kam khang satia iano iano kiba kwah ban mih shakhmat ban ia aireng ha ka elekshon. U Bah Adelbert Nongrum u la ong ruh ba na ka liang ka jong kum u MLA ba mynta u ba mihkhmat na katei ka konstitwensi u la pyrshang ban pyndep hok ia la ki jong ki kamram, ka deiti bad ka jingkitkhlieh jong u bad wat lada ki paidbah ki ibit ban jied na ka KHNAM tang ia u marwei ruh hynrei um shym la ai daw pat sha ki paidbah bad sha ka jylla ba balei ki jied tang ia u marwei na ka seng KHNAM.
U Bah Adelbert u la ong,”Nga ieh ia kaba sah ha ki paidbah namar haba phai sha ka roi ka par, nga la pyrshang hi ban wanrah ia ka roi ka par ha ka konstitwensi hynrei kum u nongmihkhmat u ba mih na ka KHNAM, nga tharai lehse, kim pat iohi bad kim pat iohsngew namar kum u Khnam hi ka kham eh hi ba kin iohsngew ne ba kin iohi namar u khnam u long jar jar hynrei ka por hi kan sa poi ia ka ban sa pynpaw ia kaei kaba nga la pyrshang ban pyndep.”Shuh shuh u Bah Adelbert, u la ong ruh ba ka thong hi kaba u buh ha ka jingim ka jong u ka long beit ba um dei ban shu ialeh tang ban jop ia ka elekshon, hynrei u hap ban jop ia ki mat kiba ka konstitwensi bad ka jylla hi ki donkam.
U nongmihkhmat bashisha bad ba sheptieng ia U Blei,u don ka jingkitkhlieh na ka bynta ka ri bad ka jaidbynriew.i support you bah A.Nongrum ,Blei un don ryngkat bad phi ,buh iu Blei hakhmat barobor
Lah kham ñiar ban shem hakane ka kynti ba mynta ban iohi kum u ne u nongmihkhmat bashisha ba shynrang mynsiem u rangdajied ki blei(Bah Adelbert Nongrum) i mihkhmat tang na kawei ka constituency hynrei ki kam i trei baroh kawei ka jylla,I long nongmihkhmat u bym kwah ne rhah shuki hynrei i wad iaka jingshisha i trei bad i kren iaka issue ka lawei la jaidbynriew i ia said naka bynta ki khun samla ka bha ka miat ka jaid bynriew…ngi kitbok kitrwiang ba phin nang ioh iaka met kaba koit bakhiah bad ba phin nang ioh biang iaka jingjop bad u Blei un nang iai kyrkhu kyrhai iaphi bad ka ing ka sem jongphi baroh…kyrmen skhem ba ki paidbah ka constituency kin ai biang ha i iaka jingjop ba donburom khnang ba ka Ri bad ka jaidbynriew kan shngaiñ bad iohi biang iaka jingkyrmen kaba ngi angnud..eg:U pud u Sam, ka ILP bad Reservation policy…Phi long u nongmihkhmat u ba jan bad u Blei,u Blei ruh un don ryngkat ha syndah bad phi….