Shah kem U Champion bad ka pisa thok kaba palat T.15lak

Guwahati: Ki pulit Special Squad ha ryngkat bad ka kynhun EGPD na Basistha PS, ki la ioh ban kurup pisa thok lane ka Fake Indian Currency Notes (FICN) bad ia katei ka song pisa, ki la ioh kurup na ka kali Bolero, kaba don ia u number ML07B7998.

Uba long trai ia katei ka pisa, U Champion R Sangma (46), uba dei u nongshong shnong ka Songsak ha Meghalaya, u iathuh ba katei ka song pisa, ka don ₹15,00,000/- hynrei, haba la wad bha ia katei ak song, la lap ba ki don ₹10,000/- ki pisa kiba dei hok, katba kaba tam, ka dei tang ka kot sada suda bad u iathuh ba ula siew ₹3,50,000/- sha U Poresh Das bad U Bijay Das ha Kamrup Petrol Pump kaba long ₹15,00,000/- da ki pisa thok suda.

Arngut kiba shah kem lang, ki long U Gohanch Sangma (36) na Songsak badU Cherian Momin (28) na Tura ha Meghalaya.