Ym pat pynshisha ba ioh pang ki 5 ngut, na U Yummy

Shillong,9 Naitung:
U myntri sorkar ba peit ia ka koit ka khiah ka jylla u bah AL Hek u la ong ba haduh mynta ym pat lah ban pynshisha la ki san ngut kiba la poi hospital na ka bam Yum my ki dei shisha ne-em ba ki ioh pang na utei u jingbam. U bah Hek u la ong ba um pat la ban ong eiei la ka jingioh pang kitei ki san ngut shipara na Lawsohtun ka dei ne kam dei na utei u jing bam. Hynrei u la suba ba lada jia ba ka dei na u Yummy ruh ka la ban dei ba ki bam ia uba la kut por, ne uba la buh ha ki jaka ki bym long shngain ban buh jingbam ne kaba lah ban dei ba u jingbam u la pyut shapoh.
Utei u myntri sorkar u la ong ba haduh mynta ka tnad ba peit ia ka koit ka khiah kam pat ioh ia ka ripod na ki Doktor, bad  mynta um pat lah ban ong eiei. Katkum ka jing ong  u bah Hek la sngewthuh ba shen ka tnad kan sa ioh ia ka ripod bad hadien ba la pynshisha ba ki la ioh pang na kaba bam Yummy, yn sa phah pat ban leh Test ia u Yummy sha bar jylla, namar ba ym shym la don tiar don tar ha kane ka jylla ban leh ia ka Test.
Lah ban pynkynmaw ba 5 ngut shipara na Lawsohtun ki la kem pang bad kynroi prie ha ka 6 tarik u naitung tang mar ia bam ia u Yummy uba la shet da ka kmie jong ki . Kitei ki 5 ngut shipara ki dei kiba la tip kyrteng kum ka Dilnaris Kharkongor, 18 snem, Balahunlang Kharkongor 13 snem, Iaineh skhem Kharkongor 11 snem, Mewanskhem Kharkongor 8 snem.