Kyntait ka kong Ampareen ban kren, halor ka rai sospon ka AICC

Shillong:Ka nongialam jong ka Congress Legislative Party (CLP) mynta ka sngi ka la kyntait ban kren eiei halor ki jingkylli ia ka rai, ba la mih na ka liang ka party Congress, halor ki san ngut ki MLA.

Lah ban kdew hangne ba na ka liang Ka MLA ka East Shillong Ampareen Lyngdoh, u MLA Mawlai Process T Sawkmie, U MLA ka Nongpoh Constituency u bah Mayral born Syiem, u MLA ka Rymbrai Jyrngam Constituency u bah Kimfa B Marbaniang bad u MLA West Shillong ka Mohendro Rapsang kin ngat ha ka jingshah beh seng ba shipor, ha ka AICC na ka daw ba ki la leit ban kyrshan ia sorkar MDA.

Mynta ka sngi haba na ka liang jong ki lad pathai khubor ki la kylli ia ka nongialam jong ka CLP ka Kong Ampareen, ka la ong “Ngam don eiei ban kren halor kane ka bynta”.
Lah ban kdew hangne ba na ka liang jong ka kong Lyngdoh ha ka taiew ba la dep ka la kob ia ka AICC bad ka MPCC ban shim ia ka sienjam ban pynshitom ia ki MLA jong ka Congress halor ka rai ba ki la shim.