Iaid Behdeinkhlam ki paidbah Pnar ha Shillong

Shillong, 9 Naitung:
Mynta ka janmiet sngi Palei, ki paidbah Pnar ki la pynlong ia ka jingiaid paidbah kylleng ki dong jong ka thain Jaiaw, Mawkhar, Mission bad kiwei ki jaka; kum shi bynta shad ka kmen Behdeinkhlam kaban kut ha kane ka sngi Saitjain ha nongbah Jowai ka Jaintia Hills.
Ha kane ka jingiaid paidbah jongki, la pdiang sngewbha ruh ha iing seng ka Seng Khasi Mawkhar da ki nongialam ka Seng kynthup u President, ki nongkitkam bad ki paidbah.
Ryngkat ki jingtem bad ka jingiakynhoi la iashim bynta ki samla, ki rangbah bad khynnah ruh ha kane ka jingiaid Behdienkhlam kaba ki la pynlong hynne ka sngi ha nongbah Shillong.
Ia kane la pynlong kumba ju leh man u snem ha ka nongbah Shillong.
Ka shad Behdeinkhlam kan kut ha kane ka sngi Saitjain ha Jowai bad na ka liang ka sorkar jylla ka la pynbna shuti ia kane ka shad lashai ka sngi ka 10 tarik Naitung ha kaba baroh ki ophi sorkar, ki bank kin khang ha kane ka sngi kum ka dak ban rakhe ia ka shad Behdeinkhlam.