11 ton u dewiong kurup ki BSF na Wah Simsang

Shillong, 8 Naitung:
Ki pyrton jong ki 132 Bn BSF kiba don hapoh Baghmara, South Garo Hills district ki la ioh kurup 920 tylli ki siej, 616.25 Cft ki dieng bad 11ton u dewiong uba shongdor haduh T.22 lak tyngka. Kitei ki dei ki mar kiba thmu pyniaid tuh sha Bangladesh lyngba ka wah Simsang. La ong ba hadien ka jingjur slap, ki riew shim kabu ki la thmu ban pyniaid tuh ia kitei ki mar sha Bangladesh lyng ba ka wah bah da kaba pyn kie na um, hynrei ki shipai ki la ioh ban khanglad bad kurup ia kitei ki mar. Ha kawei pat ka jingjia ha ka juh ka sngi, ki pyrton shipai jong ka 36Bn kiba don ha Jat rakona, South Garo Hills district ki la ioh kurup 530 bilor ki dawai Phensedyle, kiba la shalan tuh sha Bangladesh. Kitei ki dei ki dawai ba la ju die sha kiba kyrni dih drok ha Bangladesh bad la die ha ka dor kaba heh. Kitei ki shipai ki la ioh kurup ruh 24 tylli ki masi , 281.347 Cft ki dieng, 402 bilor ka kyiad , tylli ki lieng, 119 ton u dewiong bad kiwei pat ki mar be-ain kiba shong dor T.30 lak tyngka kiba la thmu ban shalan tuh na India sha Bangladesh ha kine ki taiew ba la dep.