Kwah kiew kyrdan ia ka Pomlum PHC

Shillong, 8 Naitung:
Ka San Shnong Youth Welfare Organisation ka la ia kynduh ia u myntri ka koit ka khiah ka jylla bad ka la aiti ruh ha u ia ka jingthoh kaba ki dawa ban kyntiew kyrdan noh ia ka Pomlum PHC sha ka CHC.
Ha katei ka jingthoh ka la kdew ba ka Pomlum PHC ka don ha ka jaka pdeng jong ka Mylliem Development Block kaba ia soh bad kiba bun bah ki shnong kynthup ia ka Pomlum, Mawkhan, Mawñianglah, Mawrashe, Bañiun, Mawblah, Mawrie, Lumdewsaw, Sadew, Marbañiang Umseiñiong, Laitjem, Mawkriah, Ladmawreng, Mawreng, NongrimSadew, Ritmaw ñiew, Mawkohlum, Lumsohriew, Mylliem, Mawsawa, Rngi bad baroh ki thain ka Mylliem.
Ka la pyntip ruh ba ki paidbah na kitei ki thain ki ju wan sha Pomlum PHC ban shah sumar, bad ka la ong biang ba katei ka PHC ka la biang lut ki jingdonkam kum ka bording, ka um ka jingtei jong ka kaba la bit la biang ba kan ioh ia ka CHC.
Ka la kdew ba hapoh ka shisnem naduh u iaiong, 2014 haduh u lber 2015 ka PHC ka hap ban peit haduh 40 hajar ki briew kiba hap ha katei ka thain bad na kitei ki 40 hajar ngut 20 hajar ngut ki la wan ban shim dawai bad ki nongpang kiba la pynthiah pang ha katei ka shisnem ki long haduh 470 ngut, ki Delivery Cases ki don 200 bad ka Emergency cases 3000. Katei ka jingthoh kaba la soi da u bah Lionel Nongkhlaw General Secretary ka la kyrpad na u myntri ba un kyntiew kyrdan noh ia katei ka PHC sha ka CHC.