Shillong: U President ka Meghalaya Pradesh Congress Committee (MPCC), u bah Vincent Pala u la ong ba ban pynkhreh ia ka jingiakhun na ka bynta ka election 2023, na ka liang ka party Congress hi kan ym shaniah shuh ia ki nongmihkhmat jong ki, namar ba baroh ki nongmih khmat ki la shet kylla ia ka party Congress.
“Ban pynkhreh na ka bynta ka election 2023 na ka liang ka party kan iaid shakhmat ha ryngkat ki nongialam bathymmai bad ngin ym shaniah shuh ia ki nongmihkhmat, namar ba baroh ki nongmih khmat na ka party ki la shet kylla ia ki nongkit kam ha ka party ha ka ba ki la jop lyngba ka jingtrei shit rhem jong ki nongkitkam hynrei baroh hi ki la shet kylla ia ka party”la ong u president ka MPCC.
“Ka Congress hi kan ym shaniah shuh tang ha ki nongmihkhmat na ka party, hynrei mynta hi kin don da ki nongialam ki ba dang kham khynnah kiba la wan ban pyniasoh sha ka party ha ka ba nga don ka jingkyrmen ka ba skhem ban ioh ia ka jingjop “la bynrap u bah Pala.
U bah Pala u la ther shuh shuh ia ki MLA ka congress da ka ba ong “Dei tang ka jing trei shitom bad mied bad sngi jong ki nongkitkam ha ka party hi ki ba la pynjop ia ki MLA na ka Congress,la ki dei ki kynhun MLA kiba la pyniasoh bad ka sorkar MDA bad ki nongialam kiba la ieh ia ka party hynrei kine baroh hi ki la shet kylla ia ka Congress”.
“Mynta hi ka party ha ryngkat ki nongialam jongngi kiba thymmai ngi la kular ba ngin ym pyndem, ngin ym shet kylla bad ngin iaid shakhmat ban ia khun ban jam sha ka thong”la bynrap u bah Pala. U President u la ong “Ki San ngut ki MLA ki ba la pyniasoh bad ka sorkar MDA ki pyrkhat tang ban myntoi ki san tylli ki Constituency, hynrei na ka liang ka party hi baroh kawei kan hap pyrkhat ia ka jingmyntoi jong ki 55 tylli ki Constituency ba hap ban ia khun election 2023”.
“Kam dei ia ngi ba ngin pyrkhat tang ia ki san ngut ki MLA hynrei ban shah rem noh ha ki 55 tylli ki Constituency”la bynrap u Bah Pala.
✊”Dnt gve up”, ✊
Kpp fghtig