Mynjur ka sorkar jylla, ban iakren iasuk bad ka HNLC

Shillong: U Conrad K Sangma, myntri rangbah ka jylla, u thoh mynta ka janmiet ha ka twitter jongu, ba ka sorkar Jylla, ka pdiang sngewbha ia ka jingtyrwa iakren ka HNLC, kaba khlem buh kyndon.

“Ngi la nang wad ia u briew, uba biang ban long u ksiang bad ngi dang ap, ia ka shithi, na ka seng, na ka bynta ban iaid shakhmat, halor katei ka jingthmu”.

Katei ka jubab jong u myntri rangbah, ka dei hadien ba ka HNLC, hynnin ka sngi, ka la tyrwa ban iakren bad ka sorkar, khlem kano kano ka jingbuh kyndon.