Sngewlem ka MPCA, halor ka jingkhlad U Pastor PBM

Shillong: Ka Meghalaya People’s committee on Aadhaar ka pynpaw ka jingsngewlem halor ka jingkhlad noh U Rev Dr P.B.M Basiawmoit.
Ka committee ka phah ka jingduwai kaba kyrpang sha ka lok, ki khun, ki ksiew , ki hynmen ki para ki pyrsa bad baroh kiba don ka jingiadei.

Ka jingkhlad noh jong u Rev PBM Basaiawmoit ka long ka jingduh kaba khraw.
U pastor u la noh synniang shi katdei sha ka Ri, ka jaidbynriew bad ka imlang sahlang. U long u briew uba proh ka jabieng bad ruh u ieng ha ka nongrim haduh kaba kut bad ka khyllipmat ba khatduh jong ka jingim.
“Ngin iai pyrto ia ka jingim jong I. U symbai uba I la bet bad ka sainpyrkhat kaba I la sei madan kin iai im bad sei soh” ong ka kyrwoh.

“Ka jingiakyduh kaba khatduh jong ka committee ka la long halor ka jingthmu jong ka Sorkar India ban pyniasnoh ia u Aadhaar number bad voter ID. ha kane ka jingiakynduh ka committee ka la rai ban pyrshah bad la shaniah ha I ban thoh ia ka shithi sha u President ka Ri India ba un ym soi ia ka Electoral Reforms law 2021. Kumta i la pyndep ia kane ka kamram bad na ka bynta ka committee I la phah ia ka shithi ha ka 22 December 2021”, ong shuh ka kyrwoh na U Bah Auguster Jyrwa, Pastor Kyrsoibor Pyrtuh, kiba dei ki dkhot ka MPCA.