Nongpoh: U Bah Bathok Nongmalieh, uba dei uwei na ki heh spah ba la paw bha ha Ri Bhoi, nangta u Bah Ploster Syiem, DSP barim ka jylla ha ryngkat lem bad shibun ki riew pawkhmat na Ri Bhoi, hynnin ka sngi, ki la pynbna ialade ba ki la pyniasoh sha ka United Democratic Party (UDP).
Ia katei ka jingwan pyniasoh UDP jong kitei ki briew kiba la bna kyrteng bha ha Ri Bhoi, la paw pyrthei hynne ka sngi kaba ki heh nongialam ka UDP, ki la pynlong ia ka Special Executive Committee ne ka jingialang ba kyrpang hapdeng ki heh nongialam ka UDP ha ka jylla bad hapoh ka Distrik.
Ha katei hi ka sngi, kaba u Bah Bathok Nongmalieh, uba la wan pyniasoh ialade bad ki nongbud sha ka UDP, ki heh nongialam ka UDP, ki la pynbna syndon ia u ba un long kum uta u kyrtong na ka Party UDP bad u ban sa iakhun na Jirang Constituency ha ka Ilekshon jied nongmihkhmat sha Iing Dorbar Thawain ka ban sa long ha u snem 2023.
Katba u Bah Ploster Syiem, uba dei u heh pulit barim ha ka jylla bad uba la shongthait noh na ka kam ha ka kyrdan DSP, u la ong ba ka jingleit pyniasoh jong u sha ka Party, ka dei namar ba u sngewtynnad palat ia ka Party bad khamtam eh ba u iohi ba ka dei ka Party kiba don ia kata ka Discipline.
Kat haduh hynne ka sngi, ym pat pynbna paidbah ba u utei u heh Pulit barim jong ka jylla ba un iakhun na kano ka Constituency, namar ki heh nongialam ka UDP ha Ri Bhoi, ki la ong ba kin sa pynbna kham hadien, hynrei na kaei ka jingiakren, la sngewthuh ba utei u heh Pulit un sa iakhun beit ha kane ka Ilekshon 2023.
Ka UDP dei ka Seng ba ia busni para khasi da kynmaw ko para kur para kha ha u snem 2018 la dei ban long CM da u khasi hynrei ka seng UDP khang lad hap ban wan da u MP Jong ki Garo ban long CM leh ran namar pare khasi ruh um long