Shillong: Ka jingbthei bom kaba dang shu dep shen ha Khyndailad ha ka sngi u blei jong ka 30 tarik u bnai Kyllalyngkot 2022 ka la pynlong ia kiba bun ba kin kynnoh beit ba katei ka jingjia ka la jia namar ka jingdkoh treikam ka tnad syntiat jong ka sorkar kaba khlem lah satia ban tehlakam ia katei ka jingjia bad ba ki kam lehnoh ki la sdang ban kharoi bad khie khlieh biang sa shisien hapoh ka jylla bad ha kaba iadei bad kane ka bynta na ka liang u Bah Lahkmen Rymbui u ba dei u Myntri ba dei khmih ia ka tnad kam pohiing hapoh ka jylla u la kyntait ia katei ka jingkynnoh bad ong watla ki la don katto katne tylli ki jingjia hynrei kam mut pat ba ki kam lehnoh ki la kiew biang hapoh ka jylla bad ba ka tnad pulit ka la peitngor bad pynkhreh ban khanglad ban jia biang kum kine ki jingjia ba kin iai jia.
Haba kren bad ki lad pathai khubor ha kaba iadei bad ka jingdonkti jong u khynnah u ba dang hapoh ka 18 snem ban buh ia u bom,u Bah Lahkmen Rymbui u la ong ba ka jingdonkti jong ki khynnah kiba dangrit ka rta ha ki kam pyntriem kam dei satia namar ka jingkyrduh kam kyrduh jam hynrei ka dei hi ka jingkheiñ stieng bad ka jingbym lah shuh ban sneng ban kraw ia ki khun naduh na la iing namar kaei kaei ka sdang na la iing la sem. U Bah Lahkmen Rymbui u la ong ba ki don bun ki longiing longsem kiba pait ba pra bad ban iada ia ki khun ki kti ba kin nym leh ia ki kam sniew, kum ki kmie ki kpa ki donkam ban pyniadei bad la ki khun ki kti jong ki.
Shuh shuh u Bah Lahkmen Rymbui u la ong ba katkum ka jingjia ba dang shu dep jia shen la iohi ba bunsien ki kmie ki kpa kim sneng kim kraw bha shuh ia ki khun ki kti jong ki bad ki la shu ai mon, aili palat ia ki khun jong ki bad ka la pynlong ia ki khun jong ki ban ngop ha ki jingmlien kiba sniew.
Ka dei tangba, don kum ki khun swet bym don kmie don kpa ne ba ha iing ha sem ban btin lynti ia ki ha ka kyrduh ki hap ban leh ne trei kat kaba ki ioh.
Phi ialade fi dei u nongtih mawshun ta ka daw fi sa kren bt kumne