Bthah U Lat, 9 tarik ban jied lamphang KHADC

Shillong, 6 Naitung:
U Lat ka jylla u V Shanmuganathan u la buh sngi ban long dorbar ka KHADC ha ka 9 tarik Naitung ban jied ia u lamphang ba thymmai.
Kat kum ka jingpyn bna ba la pynmih, la ong ba ka elekshon ban jied ia u lamphang thym mai jong ka Council la buh ban long ha ka 9 tarik Naitung.
Ka jingjied ia u lamphang ba thymmai ka KHADC ka la donkam hadien ba ka lamphang, ka Kong Teilinia Thang khiew ka la iehnoh ia kane ka shuki shwa ba kan shah pynkhyllem ha ka liangsynshar ka PDF ha kane ka dorbar mang tyngka kaba dang shu dep shen.
Ka liangsynshar ka PDF ka la wanrah da ka jingbym shaniah shuh ia ka lamphang, ka Kong Thangkhiew ha kane ka dorbar ba la dep hynrei ka la iehnoh hi ia ka kam shwa ban poi sha ka jingiatynjuh bor.
Ka kong Thangkhiew ka dei ka longkmie kaba nyngkong ban shimti ia ka kam  chairperson jong ka Council bad ka la don ha kane ka shuki kumba shi snem tam.
Ha kawei ka liang ka liangsynshar ka PDF ka la thmu ban pyniakhun ia u Bah Mansturdy Nongrem ban shimti ia ka kam lamphang ka Council. U bah Nongrem u dei u CEM barim ka Council shwa ba un shah pynhiar shuki noh ban shimti pat u Bah Pynshngain N Syiem ha ki snem ba la dep.