Imphal: 3 ngut ki briew, ki la shah kem, namar ba ki leit pyniap ia ka masi, da kaba siang da ka lama jong ka seng BJP, ha Lilong, kaba ha Imphal west district.
Kitei kiba shah kem, ki long U Nazbul Hussain, 38, Abdul Rashid, 28 bad U Arib Khan, 32, kiba dei ki nongshong shnong ka Thoubal district.
Ki la shah pynngat ruh da ki kyndon, ba ki kren khlem akor ia U Biren Singh, myntri rangbah ka Manipur lem bad U A Shara, President ka BJP.
Kitei ki 3ngut, ki don mynta ha kti jong ki pulit. Ka don ka video, kaba la ring halor katei ka jingjia, kaba la mih pyrthei ha ka 30tarik Kyllalyngkot 2022 bad ka dei halor katei ka video, ba ki pulit ka Lilong, ki la shimti ban tohkit bad ki sa kem ia kitei ki 3ngut, hynnin ka sngi.
Phi don ban ong eiei?