Jop biang u Bah Mathew Makdoh, kum u RS ka Pahamlapong

Nongpoh: Ha ka jingiajied paidbah na ka bynta ban pynthymmai ia ki nongialam shnong hapoh ka shnong Pahamlapong, Nongpoh, kaba la long hynnin ka sngi Saitjain, u Bah Mathew Makdoh, u la shah jied ban long biang kum u rangbah shnong hapoh katei ka shnong.

Ki la don tang 2 ngut kiba la mih shakhmat ban iakhun ia ka kam Rangbah shnong, kata tang u Bah Mathew Makdoh, Rangbah shnong barim lem bad u Bah Tharles Syiem, hynrei ha ka jingiajied paidbah, u Bah Mathew Makdoh, u la ioh 240 vote, katba u Bah Tharles Syiem u la ioh tang 60 vote. Ka jingiajied rangbah shnong hapoh katei ka shnong, ka la long lyngba ka Secret Ballot.