Pynrem ka AJPFTA, ia ka jing shah shoh ki kali kit syiar ha west jaintia

Shillong: Ka seng ki nongri bad ki nong khaii syiar napoh east bad west jaintia, ka All jaintia poultry farmers Traders association (AJPFTA) ka mih shakhmat ban pynrem jur ia ki riew sniew ne ki riew leh dusmon ne ki riew shim kabu ki bym don shuh ka mynsiem jing ia tiplem halor ki jingjia shah shoh ki kali kit syiar.

Te na ka liang ka seng ka dap da ka jing lyngngoh namar ia kum kine ki jing jia ym pat ju jia mynno mynno hapoh rilum jaintia kane ka long ka sien ba nyngkong bad ka seng ka pynrem jur halor kane ka jingjia bad ka pynrem jur ruh ia ki riew shim kabu kiba leh ia kane ka kam, pynkut ka kyrwoh na u vice president L Lyngdoh.