Yn thaw High Commission ka Bangladesh ha Guwahati

Agartala, 3 Naitung:
Ka Bangladesh kan pyniar shuh shuh ia ka jingiadei jong ka bad ka ri India da kaba pynjan bad ka thain shatei Lam mihngi da kaba kyntiew ia ka kam khaii pateng, ka jingiadei para briew bad ki 8 tylli ki jylla ka thain shatei lam mihngi, ha kaba saw tylli na ki ki dei ki khappud ba marjan eh. Ka Dhaka mynta ka don ka kad bah ha Tripura, ha ka nongbah jong ka ha Agartala.
“Ka New Delhi ka la pdiang ia ka jingtyrwa ka Dhaka ban plie ia ka Deputy High Commission ba thymmai ka Bangladesh ha Guwahati, Assam” iathuh u ophisar ka tnad korbar ri ka Bangladesh sha ki lad khubor. Utei u ophisar u bym shym la kwah ban pynpaw kyrteng u la ong ba ia ka ktem ka Bangladesh ha Agartala yn kyntiew kyrdan noh kum ka Assistant high Commission.
“Ka Deputy High Commission ha guwahati kan hap ban peit lut ia ka jylla Assam, Meghalaya, Mizoram, Manipur, Nagaland bad Arunachal Pradesh” ong utei u ophisar. L aong ruh ba katei ka Deputy High Commission ha Guwahati la thmu ban plie noh la shem snem katba ha Agartala pat yn pyndep noh hapoh u nailur mynta u snem. Ka Bangladesh ka la don lypa ka kad bah jong ka ha New Delhi, Kolkata bad Mumbai, katba ka Bangladesh pat ka la shah ia ka New Delhi ban plie ia ka Assistant High Commission jong ka ha Khulna bad ha Sylhet, iathuh utei u ophisar.