Ka Iew Sohphan ha Tura

Shillong, 3 Naitung:  
Ka Iew Sohphan kaba shi sngi ka thnem bha ha Tura hynne ka sngi ha kaba bun ki briew ki la wan ban sakhi ia kane ka iew kaba la pynlong halor ka phang ‘Wan, Peit bad Pyrkhat” ha   madan   Police Parade ground, Tura.
Ia kane ka prokram la pynlong lyngba ka jingkyrshan pisa ka  Integrated Basin Development & Livelihood Programme, Tura unit bad ka Meghalaya Institute of Entrepreneurship (MIE), Tura  lem bad ka College Home Science, Central Agricultural University, Tura.
Ha kane ka Iew Sohphan, la batai bad pyni ia ki jingmyntoi kiba lah ban ioh na u sohphan kum u Um Sohphan, Ashar, jingbam chip bad kiwei de.
U MLA ka  North Tura uba long u Parliamentary Secretary ia ka PHE u Noverfield R. Marak bad u P.K. Sangma u Chairman ka
Garo Hills District Autonomous District Council (GHADC) ki la iadon bynta kum ki kongsan.
U Marak u la ong ba u sohphan u dei u jait soh ba ju bam ki briew naduh mynshwa bad ka jingpynlong ia kane ka iew kan ai jingmyntoi shibun ia ki nongrep sohphan ban kyntiew ia ka jingkamai jongki.
Shwa ia kane, u  Pravin Bakshi u Deputy Commissioner bad u Chairman ka IBDLP, Tura u la ong ba kane ka iew sohphan ka dei shi bynta ba ka sorkar ka thmu ban kyntiew ia ka ioh ka kot jong ki nongrep.
 U la ong ba ha ri Bangladesh, ia u sohpha, la niew kum u soh jong ka ri. ha kane ka iew, baroh 17 tylli ki Block na ki lai tylli ki district ki la wan ban iashim bynta kynthup ki  SHG.