8 % kiew ka TVS ha ka shisnem

Hosur, 3 naitung:
Ka TVS Motor Company ka la nangkiew ha ka jinglah die jong ka da 8% ha une u jylliew 2015 ha kaba ka jingdie mar jong ka ka la kiew na ka 205,403 units kaba la shim jingkhein ha u jyl liew 2014 sha ka 222,099 units ha u jylliew, 2015. Ha kaba ia dei bad ka kam shalan mar shabar ri katei ka kompeni ka la kiew da 26% ha kaba katkum ka jingkhein jong ka ha u jylliew 2014 ka la lah ban die 34,103 units hynrei mynta pat haduh u jylliew 2015 ka la nangkiew sha ka 43,025 units . Ki ar shaka ki la nang kiew da 25% na ka 26,681 ha u jylliew, 2014 sha ka 33,233 units ha u jylliew, 2015.
Haba khein kyllum ia ki ar shaka katei ka kompeni ka la kiew  da 7% na ka 196,486 units ha u jylliew 2014 sha ka 211,002 unit ha u jylliew 2015, ki ar shaka hapoh ri lajong ki la lah die da 5% na ka 169,805 units ha u jylliew 2014 sha ka 177,769 units ha u jylliew, 2015. Ki scooter ki la nangkiew da 5% na ka 58,328 units ha u 2014 sha ka 61,241 units ha u 2015. Ki thuk thuk ki la kiew da 16% na ka 76,734 units ha u 2014 sha ka 88,675 units ha u 2015. Ki lai shaka ki la nangkiew da 24% na ka 8,917 units ha u jylliew 2014 sha ka 11,097 units ha u jylliew 2015.
Ha ka jingiakhein ia diah ba nyngkong jong ka laibnai ka jingdie mar ka TVS Motor Company ka la kiew da 9% na ka 5.84 lakh units kaba ka shim jingkhein ha ka jingiakhein ba nyngkong ha u snem 2014 sha ka 6.38 lakh units u 2015. Kia r shaka ki la kiew da 9% na ka 5.59 lakh units sha ka 6.08 lakh units, ki lai shaka ki la kiew da 21% na ka 0.25 lakh unit sha ka 0.30 lakh units.