Ioh jamin U Rangbah Shnong ka shnong Sankhat

Jowai, 1 Naitung:
U Rangbah shnong ka shnong Sankhat ha ryngkat u Secretary Shnong bad ar ngut ki dkhot shnong ki la ioh jamin mynta ka sngi na ka iing bishar jong ka Fisrt Class Magistrate, Amla rem Civil Sub-Division.
Kitei ki nongialam shnong ki la shah kem halor ka jingujor kawei ka longkmie ka kong Yurish Khongjoh (40) kaba na katei ka shnong ki bad kaba la kynnoh ba kitei ki nongialam shnong ki la beh shnong ia ka bad ia ka khun ba dang khyndai snem halor, ka daw ba ki la suba menai ksuid.
Ki pulit ki la iohkem hynnin ka sngi ia kitei ki saw ngut ki nongialam shnong kiba kynthup ia u Rangbah Shnong u ma Headrick Dhar, u Secretary Shnong u ma Elwis Khongiong bad ki ar ngut ki dkhot kiba kynthup ia u Long Dhar bad u Baloi Das. Mynta ka sngi Balang la wanrah ia ki sha ka iing bishar bad ka iing bishar ka ka ai jamin noh ia ki.
Katkum ka khubor, ka kong Yuris Khongjoh ka la ujor sha ki pulit ba ka la shah beh shnong na katei ka shnong da kaba suba men-ai-ksuid.
Ka la phet na shnong naduh u bnai Lber bad ha u bnai Jylliew ka la leit phai biang sha shnong ha kaba ka la kynnoh ba ka la shah byrngem ha kitei ki saw ngut bad dei halor kane la ujor sha ki pulit bad ki pulit ka west Jaintia Hills ki ka kem ia kitei ki nongialam shnong.