Yn shah kem u nongialam sengbhalang

Shillong,29 Jylliew:
Mynta ka sngi u OC ka Tura Police Station u la ujor ba u Saurav R Marak u General Secretary ka AAYF u la khot pakhang surok miet kaba lai miet kata naduh ka 26 tarik u jylliew sdang naduh ka por 6 baje mynmiet haduh ka 28 tarik u jylliew haduh ka por 6 baje mynstep. U la pynbna ia katei ka pakhang surok miet lyngba ka Facebook. Katei ka pakhang surok miet ba utei u nongialam sengbhalang ha ri Lum Garo u la pynbna ha ka Facebook ka dei kaba ki la dawa ban pyllait noh ia u President ka AAYF u Salsam Marak. Katei ka sengbhalang ka la phah ruh ia ka shithi dawa sha u DC, West Garo Hills ban pyllait noh ia u Nikman Ch Marak u President ka GHSMC.