Bun ki kyntait ban iashim bynta ha ka jingrakhe dap 50 snem ka Meghalaya

Ha ka Press Release mynta ka sngi 19/01/2022 U Bah Hopestandard Myrthong Sr. Member ka Seng BJP u dap da ka jingsngewkhia la ki don bun ki riew rangbah ne ki Seng ki bym treh ban iashim bynta ha ka jingrakhe dap 50 snem jong ka Meghalaya halor ki daw kiba bun kum ka jingpynbeit pud pynbeit sam bad ka Assam, ka ILP, ka ktien Khasi, ki mat jingdawa kum u Bah Adelbert Nongrum MLA bad ka MASSASA bad kiwei kiwei kumta haba peit hi nga sngewthuh kiba bun balang kim don jingshaniah shuh ia kane ka Sorkar MDA ba la lam khmat da ka BPP.

Ha ka jingiadei bad u pud u sam ha nga hi marwei nga ngeit ia kaei ba ki longshwa man shwa jong ngi ki la ia pynbeit naduh u snem 1969 lynba ka Assam Re-Organisation (Meghalaya) Act 1969 bad ka kamram jong ki Re-Organisation Committee baroh ar liang ki dei ban ialam lang ia ka Revenue Officer da ka jingiarap lem ka Survey of India ban rah ia u GPS ban lap ia u Actual Line (boundary) jong ka Garo Hills District bad ka United Khasi & Jaintia Hills District kiba la kylla long Meghalaya bad uta kein u dei u boundary jong ka Meghalaya bad Assam. Balei kitei ki Regional Committee kin leit pynlong Public Hearing sha ki shnong ki thaw ha border area bad ka kam jong ki kadei ban pynsngewthuh ia ki paitbah ba phi ki Khasi phi la shong shnong hapoh u pud u sam jong ka Assam bad lada ki paitbah Assam ki la shong shnong hapoh u lain jong ka Meghalaya kidei ban pynsngewthuh baphi la shong hapoh Meghalaya kumta kam pher ban shong hangno hangno hynrei hap ban kohnguh ia ki ain ki kanun jong ka jylla ba ki la shong shong. Namar ngi dei ki nong India hynrei lada ym ia hun kumta dei ban wanrah da ka ain ha baroh ar tylli ki Dorbar Assembly ban pynduh noh ia katei ka ain The Assam Re-Organisation (Meghalaya) Act 1969 bad kan ialong lang noh tang kawei ka Jylla bad ka Meghalaya kan iasoh biang bad ka Assam bad lehse kane kan khambha lada ngim hun ia ka Jylla ba ngi la ioh kaba kyrteng ka Meghalaya.

Ha ka jingshem jong nga, te ki paitbah kiba shong ha thain boder kim shem jingeh ha kaba iadei bad ka Assam namar wat ki Epic ruh ki ju don ar ar ki ioh jingiarap na baroh 2 Jylla Assam bad Meghalaya naduh ki surok, light, NREGA bad kiwei kiwei hynrei dei pynban ma ngi ki bym don ha Dorbar ngim sngewthuh eiei bad ialeh politik man ba la jan dei ka por election namar ba yn jop election te ka sorkar kam dei ban leh kyrkieh ia ka kam pud kam san bad dei ban pule bniah ia ki dulir khnang ba ngin lah ban shan na ka Assam bad ruh dei ban ai lad shwa ia ki Hima ba kin pynioh ia ki bynta ba la shah kynriah noh ha katei ka ain Assam Re-Organisation (Meghalaya) Act 1969 khnang ha ka jingialeh jong ngi kan kham khlain.

Hopestandard Myrthong,
Sr. Member BJP