Hap phria ha ka nongbah, yn hap slap lashai ka sngi ha ka jylla

Shillong: Mynta ka sngi, ka don ka jing hap phria kaba jur ha ki bynta jong ka nongbah Shillong; hynrei, ki don ki bynta, ki bym hap slap, ka don ka jinghap slap kaba malu mala.

Ki surok bah ha sor, ki la lieh shait da u thah suda bad katei ka la pynthut shibun ia ka leit ka wan, ka iaid ka ieng jong ki kali, namar ba u thah, ula sop ia ki surok iaid kali, ha ka por nohsngi mynta ka sngi.

Ka tnat peit mariang jng ka sorkar India, kam shym la ai jingtip eiei halor katei ka jinghap thah bad la pyni, ba ka don ka jinghap slap mynta ka sngi, kaba long 0.2mm ha Shillong, nangta 1.2mm ha Umiam, katba ha Umiam pat, ym don jinghap slap satia, haduh ka por 2.30 nohsngi.

Ka tnat peit mariang, ka maham, ba lashai ka sngi, kan don ka jinghap slap bad tied pyrthat, ha ki bynta jong ka jylla.