189ngut kiba ioh pang covid ha ka jylla

Shillong: Kiba ioh pang covid mynta ka sngi, ki don 189ngut. Kiba jem na ka jingpang, ki don 75ngut. Ym don ba iap satia mynta ka sngi.

Baroh kiba pang covid, ki la poi mynta sha ka 898ngut ha ka jylla.

Ka East Khasi hills, ka don 137ngut kiba ioh pang thymmai, ka Ribhoi 18ngut bad ka West Garo hills 22ngut.

Ki nongtrei ka koit ka khiah, ki don 10ngut kiba ioh pang ha East Khasi hills, nangta sa 8ngut ha Madanrting, 7ngut ha Nongthymmai, 9ngut ha Pohkseh, 23ngut kiba wan phai na shabar jylla.