New Delhi: Kiba ioh pang covid ha India, ki poi sha ka 1,94,720 ngut ha ki 24 kynta ba ladep.
Kawei pat ka khubor, ka iathuh ba ki don haduh 3hajar ngut ki nongtrei jong ka United Airlines, kiba ioh pang khlam covid ha ki khyndiat sngi ba ladep, tangba ym shym don satia kiba iap ne kiba leit sah hospital.
Ka China, ka don 221 ngut kiba ioh pang thymmai bad katei ka kiew, na kaba long 192 ngut kiba ioh pang hynnin ka sngi. La iathuh ba 166ngut ki dei kiba iabit hapdeng ki para shnong hi bad ki jaka ba ka trei jur kane ka khlam, ki long ha Henan, Tianjin, Shaanxi bad Guangdong.
Ki san tylli ki jylla, ba ka kiew bha kane ka khlam, ki long ka Maharashtra, kaba don 33,470 ngut, ka West Bengal, da 19,286 ngut, ka Delhi da 19,166 ngut, ka Tamil Nadu da 13,990ngut bad ka Karnataka da 11,698ngut.
Phi don ban ong eiei?