75 percent, thep vote ha Chokpot

Shillong,  28 Jylliew:  
Hynniew phew san percent ki paidbah nong thep vote ka Chokpot constituency ha South Garo hills district ki la wan poi ha ka elekshon shiteng samoi kaba la long ha kane ka sngi Saitjain.  Kane ka elekshon ka la long hadien ba u MLA u Clifford R Marak ka Garo National Council (GNC) u la khlad noh.
Saw ngut ki kyrteng ki la iakhun ha kane ka elekshon kynthup ka Bluebell Sangma na ka Congress, u Philipole Marak na National Peoples Party (NPP),  ka Kalpana Marak ka lok u Clifford Marak na Garo National Council (GNC)  bad  Thinkerman Marak kyrteng shimet.
U Returning officer uba dei u Deputy commissioner u N Marak u la ong ba ka elekshon ka long kaba iaid beit iaid ryntih khlem kano kano ka jingshah pynthut ne ka jingjia.
U Marak u la ong ba ka jingwan baroh ki nongthep vote kan poi sha ka 80 – 85 per cent namar ba pat ioh jingtip lut.
Na ki 46 tylli ki jaka thep, 44 tylli ki dei kiba don hapdeng ka jingma namar ka jingdon ki kynhun lehnoh. Ki don 24,219 ngut ki nongthep vote ha kane ka elekshon.