Jied President ka Red Cross da u Lat

Shillong, 26 Jylliew:
Ki dkhot jong ka Indian Red Cross Society (IRCS), Meghalaya Branch ki la leit ia kyn duh ia u Lat ka jylla u Shri V Shanmuganathan ha ka 17 tarik u Jylliew, 2015 bad ha katei ka jingiakynduh ki la tyrwa ba un bat ia ka kam President jong ka Indian Red Cross Society, Meghalaya Branch, ha kaba u Lat u la pdiang sngewbha.
Ki dkhot ka IRCS, Meghalaya, ki la ai sngewbha ia u President jong kid a ki syntiew, katto katne ki jingthoh shaphang ka jingiaid lynti katei ka seng, ki jainkup ba don ka shap jong ka Red Cross bad ka shap ban long u dkhot shirta jingim katei ka Red Cross, la pyntip ruh ha u ia ki kam bapher bapher ba ka Red Cross ka la trei ha ki snem kiba la dep.
Ki dkhot ka IRCS kiba la don lang ha katei ka sngi ki kynthup ia u bah W R Marbaniang, IPS ba la shong thait uba dei ruh u Chairman, kong Amelia Swer, Vice Chairman (E), kong Diana E Kharshiing, General Secretary, kong A S Rangad bad u Dr. L E K Marbaniang, Executive Members.