Pynkylla Iew Rynjah ia ka Rynjah Bazar

Shillong, 26 Jylliew:
Ka FKJGP Nong thymmai Circle kum shi bynta ban pynneh pynsah ia ka kyrteng tynrai jong ka thain mynta ka sngi hapoh ka jingialam u Vice President ka seng U Bah Malcolm Kharkongor ka la leit sha Iew Rynjah bad la kyntu ia baroh ki dukan ha katei ka thain ba kin pyndam noh ia ka kyrteng “Rynjah Bazar” na ki sign board jong ki. Ka seng ka la shim ia kane ka rai hadien ba ka la lap ba bun na ki dukan ha kane ka thain ki thoh “Rynjah Bazar” kaba long ka ktien nongwei.Ka la kyntu ia ki dukan ba ki dei ban thoh beit da ka ktien Iew Rynjah.