Poi ka khynnah klass IX sha Allahabad rBa shah rah ha u mama jong ka kompeni Kynshi

Nongstoin, 26 Jylliew: 
Kum ban shu pynkynmaw ba ka Cicilia Pariong 14 snem, na ka shnong Mawroh WKHD, ka dei ka khun jong ka Selbina Pariong, ba  dang pule klass IX  ha St.Joseph HSS, ka la jah naduh ka  2 tarik mynta u bnai  ha kaba haduh mynta ym shym la lah ban lap. Hadien ba la ioh ia ka jingtip  kaba tikna halor ka jingjah jong katei ka khynnah ka dei ka jingrah bor jong u wei na ki nongtrei ka kompeni shna surok ka ba la tip kum ka BSC & JV Kynshi, u ba la tip kyrteng kum u Lavakush Kumar uba na ka District Allahabad jong ka Uttar Pradesh.
Ka seng Khasi Student’s Union (KSU) West Khasi Hills hapoh ka jing ialam jong u John F. Nongsiang, President KSU,WKH  ha ryngkat ki rangbah shnong naduh ka shnong Kynshi shaduh Nongstoin myn ha ka sngi thohdieng jong ka taiew ki la leit ban ia kynduh ia u Senior Engineer katei ka kompeni u Vijay Kumar Singh ha kaba na ka liang jong ka seng ka la ai por shiphew sngi ia katei ka kompeni ba ka dei ban wan rah noh ia ka tei ka khynnah ryngkat bad u tei u bar jylla. U Samla John.F.Nongsiang haba kren ha ki lad pathai khubor u la ong ba ka seng hadien ba ki Rangbah Shnong ba kynthup naduh ka shnong Kynshi sharum ki la ia shong da ka jingialang bad ka seng ka la leit noh syndon ban ai da ka jingthoh sha katei ka company bad dawa ruh ba hapoh 10 sngi ki dei ban wan rah noh ia ka tei ka khynnah ryngkat bad u tei u bar jylla.
Shuh shuh u la ong ruh ba lada katei ka kompeni kam lah ba wan rah ha  katei ka por ba la buh da ka seng bad ki rangbah, na ka liang jong ka seng kan pynlong noh da jing bym ia trei lang bad lada jia ei ei ia katei ka khynnah katei ka kompeni kadei ban shim ia ka jingkit khlieh bad ka dei ban siew ia ka bai lut ksan namar ba ia u tei u nongrahbor la wanrah hi da ka kompeni khlem da pat biang ki kot ki sla.