Hikai ki pulit Sohra ban kiar drok

Shillong, 26 Jylliew:
Ki pulit ka Sohra Sub Division ki la pynlong ia ka jingrakhe ia ka sngi pyrshah ia ki drok ha ka 25 tarik Jylliew ha skul St. John Bosco Boys Higher Secondary School, Maraikaphon. Ha kane ka sngi u Bah Ian Swer, MPS, SDPO ka Sohra u la iadon bynta lang lem bad ka jingdon lang u OC Sohra Police Station.
Ha kane ka sngi, la pynshai ia ki paidbah bad ki khynnah skul ba kin kiar na ki jingsniew bad ka jingpyndonkam ia ki drok ka dei ka jingsniew kaba shyrkhei ha ka imlang sahlang.
Ha kane ka jing pynshai paidbah,  la ioh ia ka jingkren u Bah Swer u SDPO, ha kaba la  wan sngap ki khynnah skul klas VIII haduh XI. 
  U Principal ka skul u Fr Patrick Nongrang u la ai ia ka jingpdiang sngewbha ha kane ka prokram  bad kyrmen ba kum kane ka prokram kan long biang ha ki sngi ban wan na ka bynta ka jingbit jingbiang jong ki paidbah bad ki khynnah skul. Kane ka long katkum ka jing pynlait khubor da u Bah Ian Swer, MPS u SDPO ka Sohra.