Pyrshah ka UDP samla ba kyntur ka MUDA shabar Municipal

Shillong, 25 Jylliew:
Ka United Democratic Party (UDP) Youth Wing, ka la pyrshah jur ia ka kyntur pud ka Meg halaya Urban Development Authority (MUDA) sha ki shnong shabar u pud u sam ka Shillong Municipal Board (SMB).
U MLA ka Mawlai u president ka UDP Youth Wing u Bah Embhahlang B. Syiemlieh u la ong, “Ka UDP ka pyrshah jur ia ka jingwan tam pud ka MUDA sha ki shnong khapsor bad ki jaka shabar u pud u sam ka Shillong Municipal Board.”
Ka MUDA lyngba ka jingpynbna ka la kam ba ki jaka kum ka Upper Shillong, Mylliem, Mawlai, Nongthymmai, Nongrah bad kiwei kiwei kin hap ha ka MUDA nalor kiba  don ha ka Municipal.
Ka UDP Youth Wing ka la ong ba ki paidbah ki iakynduh jingeh ia kane ka jingleh ka MUDA ha kaba  ki leit pan jingbit ban ring bording na ka MeECL, ki shah kyntait mardor lada kim pat ioh shwa ia ka jingai jingbit shna ing shna sem na ka MUDA.
U Bah Syiemlieh u la ong ba ka Mawlai kaba hap shabar u pud u sam ka Municipal pynban ka MUDA khlem da iasyllok bad kynjoh ktien shwa bad ki bor pyniaid shnong ka la leh la ka mon lajong.
U la  byrngem ba un sa khot jingialang shen ban iakren ia kane ka kam ban shim ia ka rai kaba tyngeh.