Yn iatai nia ia ka VAB ha Jowai

Jowai,  25 Jylliew:
Ka Khasi Students’ Union (KSU) JHDU kan pynlong ia ka ‘Rynsan jingiatai nia halor ka Village Administration Bil (VAB) ka JHADC. Ia kane ka rynsan ia tai nia yn pynlong ha ka 30 tarik mynta u bnai ha District Library Mynthong, Jowai West Jaintia Hills, ha ka por 11:00baje mynstep. Ka seng ka  khot sngewbha ia baroh ki samla pule jong baroh ki ar tylli ki District East bad West Jaintia Hills, ki riew shemphang, ki Doloi,ki Rangbah shnong, ki para sengbhalang bad ki nongmih khmat  paidbah na ka liang synshar (Ruling Party) bad na ka liang pyrshah (Opposition party) ban pyllait ia ka por jongphi ban ia wan shim bynta sha katei ka rynsan ia tai nia halor ka VA Bill.
Ka long ka kabu ia ki paidbah jong ki ar tylli ki District ban ioh sngap iaka jingiatainia lang daki khrawpyrkhat ha shwa ba ka sorkar kan phah sha u Lat ban ioh ia ka jingmynjur.
Ym lah ban len ba ka long kaba donkam shisha ba u paidbah un ioh ban ia tai sani bha ia ka namar ka long ka Stieh ia ka jaidbynriew, ong ka kyrwoh na u Bah Kwilnis Suchiang Publicity Secy KSU JHDU.