Jer kyrteng thymmai ka China, ia 15 tylli ki jaka ha Arunachal Pradesh

Ka China, ka la jer kyrteng thymmai ia ki 15 tylli ki jaka ha Arunachal Pradesh, hynnin ka sngi.

Ka China, ka jer kyrteng ia ka Arunachal Pradesh, kum ka Zangnan lane ka South Tibet.

Ka China, ka la ju iai kam trai ia ka Arunachal Pradesh, da kaba kam ba ka dei ka South Tibet, wat la ka tnat kam bar ri jong ka sorkar India, ka ju iai pyrshah jur ia ka jing kam trai jong ka China, namar ba ka Arunachal Pradesh, ka dei ka bynta kaba skhem tam jong ka Ri India.

Ki 15 tylli ki jaka, kiba la jer kyrteng thymmai, ki kynthup ia phra tylli ki shnong briew, 4 tylli ki lum, ar tylli ki wah bad sa uwei u lum heh.

Kitei ki nongbah, kiba la jer kyrteng thymmai, ki long ka Sengkezong bad ka Daglungzong ha Cona county jong ka Shannan, ka Mani’gang, Duding bad ka Migpain ha Medog county jong ka Nyingchi, Goling, Damba ha Zayu county jong ka Nyingchi, ka Mejag ha Lhunze county jong ka Shannan. Ia ki lum pat, la jer kyrteng da u Wamo Ri, Deu Ri, Lhunzhub Ri bad u Kumingxingze Feng; ia ki wah la ai kyrteng Xenyogmo He bad Dulain He, katba ia uwei pat u lum heh la jer kyrteng Se La.