Ngi iohi ka khubor, lah khie biang lehse, sa ka third wave, ong ka DC

Shillong:”Paralok ngan ong iaphi mynta, ngim lah ban tip, ka pyrthei ka long kumno. Ngi iohi ka khubor, kaba man la ka sngi, lah khie biang lehse, sa ka third wave, ka ia kaba lai jong une u virus, hapoh Delhi, hapoh Gujarat, ha Maharash tra, ngi iohi, ba ki la pynjari biang. Nga shu kwah ban ong, ngim dei ban tieng, U Blei, u don ryngkat, hynrei ngin bud thik, ngin ia tylli, ngin ia sngew thuh lang, namar, da kaba ngi iatreilang, ngi lah ban jop, ngi lah ban pyn duna ia ka jingktah jong kiba bun balang, ia ki briew kiba shitom, ia ki briew kiba duh noh ia kiba ieid kiba thoin ki jongki”.

Ka DC, ka ong ruh ba lyngba ki Block, ki don shibun ki skhim sorkar, na bynta ki long ing long sem kiba duk, na bynta ki nong bylla sngi, ki briew ki bym don ia ka kamai kaba biang. “Ka Aadhar, ka long kaba donkam mynta, ban ioh ia ki benefit, lane ia ki jing myntoi kiba bun bah, ia kato ruh ngi khot ia ki longing longsem, ban wan shakhmat”. Nangta ka ong biang “Ia ka jingai tika, kaei kaei kaba iarap bad tang kata hi kaba lah ban iada ia ngi na une u khniang jingpang, ia kata ruh na ka liang ka health department, ngi ia wer ia ki briew ban shim ia ka”. Ka DC, ka ong shuh shuh ba une u khniang jingpang, u ktah lut ia baroh, ym don ba lait, ym don riew spah, ym don ba duk.