Shah pynjot ka dur mot Jisu bad shah pyn kulmar ki nongiaid carol

Chandigah: Ka dur mot jong U Jisu Christ, ha ka iingmane ha Ambala Cantonment, kaba ha Haryana, ka la shah pynjot noh thiaw ha ka miet sngi saitjain.

Katei ka dei tang kawei na shibun ki jingjia, jong ki kam thombor ia ki khristan ha kylleng ka India, ha shwa jong ka jing rakhe ia ka sngi Khristmas.

Katei ka jingjia, ka dei ha ka por 1.30 jong ka step Sngi U Blei, ha kaba ia ka dur mot U Jisu Christ, kaba la tei ha ka iingmane ha Ambala Cantonment, kaba la tei ha khmat jong ka iingmane jong ka Redeemer Church, kaba dei naduh ka por jong ka sorkar phareng. La pynjot ia katei ka dur mut Jisu, da ki arngut ki briew, kat kumba ka paw, ha ka jingring dur jong ka CCTV.

Ym dei tang katta, hynrei ha ka iingmane ha Pataudi, Gurugram, la leit pyn kulmar da ki shitniam hindu, ia ka jing iaid pynkhreh Khristmas, da kaba ki leit halla, da kaba ong “Jai Shree Ram” bad “Bharat Mata ki Jai”. Kitei ki leit kiew ha ka rynsan ba ki ia rwai choir, ki knieh ia ki microphone bad ki pynbor ia kitei kiba rwai, ba kin ia halla lem, da kaba ong “Jai Shree Ram”.