U khaw ar piah shi mon lane 40 kilo, ong U Pastor Jones

Shillong:U Pastor MJ Skhemlon, ha ka jing iakren bad U Rupang, ha ki khyndiat sngi ba ladep, u iathuh ba ha ki por jong ka jinglong khynnah jongu, ia u khaw ki shu iathied mon lane 40 kilo bad ka dor jong u khaw, ka long ar piah shi mon.

“Leit hat, phin rah san tyngka, ani ym lah kit shuh, lah dap baroh shi hat phin bam. Ka pisa ka dang heh bha ka dor kein” ong U Pastor Skhemlon.

Nangta u ia thuh shuh shuh, ba ka doh ruh ym ju thew kilo satia, hynrei, ki shu ia pan antad. “Ban shi kilo mynta te phi, da ki pisa. Ki dang don ki pisa saw mynshwa, ym dei da kine ki naia” . Nangta u iathuh shuh shuh, ba ka bai kali na Sohra sha Shillong, ka dang long da ki tyngka, ha kitei ki por jong ka jinglong khynnah jongu.

U Pastor Mister Jones, ula don mynta 92 snem ka rta bad ia u, la kha ha u snem 1930 ha ka shnong Mawkhan, kaba hap ha ka Hima Mawdon jong ka thain Mawsynram.