Pynrem ka RBYF ia ki riew dusmon kiba pynjot ia ki banner, khublei Khrismas ka Seng

Nongpoh: Ka RBYF Umsning Circle, lyngba u Bah Shining Thangkhiew, Publicity ka Seng, ka pynrem jur ia ki runar kiba leit ban pynjot pynpra ia ki banner ai khublei Khrismas, kaba la wah da ki dkhot ka seng na ki Unit kiba don ha ki shnong bapher bapher.

Hadien ka jingpynrem, ka kyrwoh kaba la phah da utei u nongialam ka RBYF, ka la pynpaw ba ka seng ka maham jur ia ki briew kiba leh dusmon ban leit pynjot pynjulor ia ki banner khublei Christmas jong ki unit, ha kaba la ong ba lada ka seng kan lap ia kitei ki riew dusmon, kan nym map satia hynrei kan sa ai da ka jingsneng kaba tyngeh.

Ha kawei pat ka liang, ka RBYF Umsning Circle, ka ai khublei Christmas Basuk bad ba kmen ia ki paid nongshong shnong jong ka Umsning bad ka Ri Bhoi hi baroh kawei.