Ai por ka MUPSTA, haduh ka 10 ‘lyngkot, ban pynurlong ia ki dawa jong ka seng

Shillong: Ka Synjuk ki Nonghikai Meghalaya Upper Primary School Teachers Association (MUPSTA) Central Body ka la pynlong ia ka jingiakhih da ka ba shong kyllain myngngor ha Kynton-U- Mon Lad Nongkrem, ha ka 17tarik Nohprah 2021.

Ha kane ka jingiakhih la wan ia shim bynta da kumba 2 hajar ngut ki Nonghikai Upper Primary Skul kiba hap ha ka lama jong ka MUPSTA na kylleng saw dong ka jylla Meghalaya.Ka jingiakhih ka long kaba jai jai khlem da don kano kano ka ka jinghuri hura. Ha kane ka jingiakhih shongkyllain myngngor ki Nonghikai da kawei ka sur ki la shim ia ka rai ban ai por ia ka sorkar ban kyntiew deficit noh ia baroh ki 844;tylli ki Adhoc Upper Primary school kiba don ka ka jylla Meghalaya baroh kawei haduh ka 10tarik Kyllalyngkot 2022.Ka Seng ka la kren shai ba lada ka sorkar kam pyrkhat lem ban pynurlong noh ia ki jingdawa jong ka seng haduh shuwa katei ka tarik, yn sa shim pat ia ka rai ban bteng biang ia ka jingiakhih kaba kham tyngeh, ong ka kyrwoh na U Bah EG War Organising Cum Publicity Secretary MUPSTA Central Body.