Kynnoh ka RAM, ba ki dkhot jongka, ki shah pynlehrain ha ki HYC

Shillong: Ka Rot Association of Meghalaya (RAM), ha ka kyrwoh kaba la pynmih mynta ka sngi, ka kynnoh ba myn shisngi, ki dkhot jongka, ki la shah pynlehrain ha Baridua, ha ki dkhot jong ka HYC.

Katei ka jingthoh jong katei ka seng, kaba la phah da ka ktien phareng, ka kynthoh ba ka ain, kaba plie lad ban khein kam beain ia ki nong ia khaii met shynrang bad kynthei, kam ai jingiada shuh ia ki kynthei kiba donkti ha ka kam die met. Ym tang katta, hynrei ka plie lad ruh ia ki briew, ba kin shim kabu bad thap ia kitei ki thei die met.

Ka kong I Kharmuti, President ka Rot Association of Meghalaya (RAM), ka dawa na ka sorkar jylla, ba kan ioh sngew ia ki jingeh bapher, ba ki thei die met, ki ia kynduh na ka por sha ka por.