Shillong:U Bah PN Syiem, u nong ai ktien jong ka Congress party, u iathuh ba um pat lah ban ong eiei, halor ka jing bym shim bynta jong ki MLA ka Congress party ha ka jingialang ban iasyllok halor u pud u sam kaba la khot da u Myntri rangbah ka jylla myn hynnin ka sngi.
U la ong “Lada ka don ka jingshah khot na ka liang ka sorkar, khamtam ha kum kine ki por ba ngi donkam ban weng ia ki jingeh ha kaba iadei bad u pud u sam, ngi dei ban shim bynta”.
U la bynrap ruh “Kampher la ka dei ka sorkar jongno jongno ruh haba ngi don ia ka jingthmu ba bha na ka bynta ka jylla hynrei nga shu pyrkhat ba lehse ki khlem shah khot lang, hynrei ia kata ngam pat ioh jingtip ba thikna”.
Ha kawei ka liang, na ka liang u Myntri ka tnad PHE u Bah Renikton L Tongkhar, u la pynpaw ka jinglyngngoh halor ka jingbym wan shim bynta jong ki liang pyrshah, ha ka jingialang ba la khot da ka sorkar MDA ban iasyllok halor ka mat upud u sam.
“Ngi la khmih lynti ia ki liang pyrshah ba kin wan ban iashim bynta lang ha kane ka jingialang mynta ka sngi, namar ba ki dei kiba la biang bha ka jingtip halor kane ka bynta” la ong u myntri ia ki lad pathai khubor ha ka sngi balang.
U la bynrap shuh shuh “Ki liang pyrshah ki dei kiba la don bha ka jingtip halor kane ka mat bad ki dei ki ba lah ban ai jingmut bha halor kane ka mat, hynrei ki khlem wan, bad kaei ka daw ki tip tang ma ki”.
U bah Renikton u la ong “Namar ba ha kane ka jingialang ki liang pyrshah ki khlem wan ban shim bynta, kumta nga kyrmen ba hadien habud ynda na ka liang ka sorkar ka shim ia kano kano ka rai, kim dei ban wohnia”.
“Nga ngeit ba kin sngewthuh ia ka jingdonkam ban pynbeit noh ia kane ka mat, kumta nga kyrmen ba kin sa ia snoh kti lang na ka bynta ka jingbha jong ki nongshong shnong”u la ong.
Ka Congress imat kala sngew lehraiñ phi
Namar kilah ia iap jlop lut naduh bakila iapaid haduh ban damih ka Trinamol. Dei halor Kane hi kadaw imat Kim shymlah ban iadon ryngkat haka jingkhod ka ruling.
Ymlong ei ei shuh ka Congress kamlah khie khlieh shuh.