Shillong: Ki dkhot jong ka Jaiñtia Hills Truck Owners Association(JHTOA) ki la pakhang lynti ia ki trok jong ki bor pyniaid karkhana pynmih dewbilat kiba don East Jaiñtia Hills kiba dang thmu ban hiar kit mar sha Kalain bad Silchar jong ka jylla Assam. Katei ka jingpakhang lynti jong ki dkhot ka seng JHTOA ka long hadien ba ki bor pyniaid karkhana kim shym la treh ban siew ia ka bai kit bai bah kaba thymmai wat hadien ba ka sorkar jylla ka la pynmih da ka jingpynbna.
Haba kren bad ki lad pathai khubor u Bah Nidamon Chullet u ba dei u President jong ka seng JHTOA u la ong ba ha ka 14 tarik u bnai Nohprah 2021 ka jingwan hiar jong ka seng shapoh ka shnong Lumshnong ka long hadien ba bun ki trok kit dewbilat kiba thmu ban hiar sha Silchar bad Kalain bad ka jingbym treh satia jong ki karkhana shna dewbilat ban iatreilang bad ki bym treh satia ban siew ia ka bai kit bai bah ba thymmai.
Na ka liang ka seng ka la kyrpad bad kyntu ia kitei ki karkhana shna dewbilat ba kin iatreilang bad ka seng bad ba kin ai ia ka jingdawa ba ka seng ka la dawa bad na ka liang ka seng ka la kyrpad ruh ia ka Sorkar ba kan shimkhia lem halor kane ka kam namar na ka por sha ka por ka la dep ban pynbeit halor kane ka bynta hynrei kaba sngewsih pat ka long kitei ki karkhana kim shym la leh kumba dei ban leh bad ka sorkar ka dei ban shim khia bad ban bishar bniah halor kane bad ba ka dei ban leh eiei ia kitei ki karkhana kiba saitlah bad leh katba mon.
Phi don ban ong eiei?