Jerusalem: Ka Harnaaz Sandhu, kaba dei ka aktress bad ka model, ka la ioh ia ka nam lahduh, ha ka iakob bhabriew lane kaba la tip, kum ka Miss Universe 2021, ha ka jing iakhun na ki 80 tylli ki Ri ka pyrthei. Ka Sandhu, ka dei kaba dang 21 snem ka rta jongka.
Ki dang don tang arngut ki nong India, kiba la ioh ia katei ka khusnam, ka Sushmita Sen ha u snem 1994 bad ka Lara Dutta ha u snem 2000.
Kane ka jing iakob, la pynlong ha Eilat, Israel, ha kaba ka Sandhu, ka ioh rah ia katei ka nam lahduh.
Ka Sandhu, ka dei kaba na Chandigarh bad ka dang ialeh ia ka master degree jong ka, mynta ha ka public administration bad la pynphong ia ka pansngiat ha ka, da ka Andrea Meza kaba na Mexico, kaba la jop ha u snem 2020. Ka Nadia Ferreira na Paraguay (22), ka wan ba ar bad ka Lalela Mswane (24) na South Africa, ka wan ba lai.
Ka Sandhu, ka la ak ruh ha ki katto katne ki phlim Punjabi bad ka la jop ruh kham mynshwa ia ka khusnam Times Fresh Face ha u snem 2017, ha ka rta kaba 17snem bad hadien kata, ka la ioh ia ka khusnam LIVA Miss Diva Universe 2021.
Phi don ban ong eiei?