Ka Them Umiam ban iada ia ki mrad

Shillong, 17 Jylliew:
Ban iada ia ki jaid mrad ki sim ki doh bad ki dohum dohwah , ki riew rangbah ka thain Tyrso ba kynthup ia ki 16 tylli ki shnong ki la seng ia ka kynhun Them Umiam Wildlife  Protection Society (TUWPS) ha ka jingialang ha ka 17 tarik mynta u bnai.
Ha katei ka sngi, ki nongkitkam kiba la jied bad pynshkem ki kynthup ia u Chairman Bah JJ Shadap, Vice Chairman Bah Rojen Sten, Secretary Bah Alos Nongpoh, Asstt secy Bah S Shadap bad 40 ngut ki dkhot ka executive committee ba kynthup ia ki rangbah shnong, ki sordar bad ki riew rangbah ka thain.
Ka synjuk ka la maham tyngeh ruh ia ki paidbah ka thain ban ym thang khlaw khamtam ka por thlang naba ka pynjot ia ka mei mariang. Kane ka long katkum ka khubor ba la phah da u Bah C Madur Publicity Secretary.