Coimbatore: Ka helicopter, kaba kit ia u heh duh ki shipai jong ka sorkar India, U General Bipin Rawat Chief of Defence Staff, ka la hap ha Coonoor, hajan ki lum Nilgiris, mynta ka sngi, ong ka khubor.
Ki don 14ngut ki briew ha katei ka helicopter bad kitei ki kynthup ia ka kurim jong U Gen Rawat, ka Madhulika Rawat, U Brig Brig LS Lidder, Lt Col Harjinder Singh, Naik Gursewak Singh, Naik Jitendra Kumar, Lance Naik Vivek Kumar, Lance Naik B Sai Teja bad u Havaldar Satpal.
U Rajnath Singh, myntri ka tnat iada ri jong ka sorkar India, ula iathuh ia U Narendra Modi, myntri rangbah duh ka Ri, mar ia jia kane ka jingjia bad ula leit jngoh ruh ia ka iing sah jong U General Rawat. La bthah ia u heh duh ki shipai suin, U Air Chief Marshal VR Chaudhari, ba un leit jngoh mar mar ia katei ka jaka jong ka jingjia.
Haduh mynta, la ioh sei ia 8 tylli ki met iap bad sa 4ngut kiwei pat kiba la phah sha hospital, ba kin shah sumar, katba sa arngut kiwei pat, ym shym la tip satia shaei ki don.
Phi don ban ong eiei?