Shillong: U Bah Metbah Lyng doh u ba dei u President jong ka seng United Democratic Party(UDP) ha ka sngi ba ar kata ka 7 tarik u bnai Nai wieng 2021, u la dawa na ka Sorkar pdeng ba dei ban pynkut bad ban weng noh shisyndon ia ka aiñ Armed Forces Special Power Act,1958 kaba la ai bor kyrpang ia ki shipai ban leh katba ki mon ha ki jaka paidbah ba ki sngewbit ma ki. “Ka AFSPA kam lah ban long ka jubab ia ka jingeh namar ka khlem lah ban leh eiei satia halor ki ishu kaikhlaw hapoh ka shatei lam mihngi”, la ong u Bah Metbah Lyngdoh.
Ha kaba kadei bad ka jingjia shah siat iap jong ki riewpaidbah kaba la jia ha Mon District jong ka jylla Nagaland, u Bah Metbah Lyngdoh u la ong ba kam don jingiadei satia bad ki kam kaikhlaw, kumta ka pyni shai kdar ba ka AFSPA ka khlem leh eiei satia ia ki kam kaikhlaw ha kine ki bynta.
Na ka liang u Bah Metbah Lyngdoh u pynpaw ba ki don da kiwei ki lad ki lynti ban iakhun bad pynkut ia ki kam kaikhlaw da kaba wanrah da ka jingiakren ym da ki ktang suloi bad ki kuli.
Ha kaba iadei pat bad ka jingiakhun ia ki kam kaikhlaw ha ka jylla Meghalaya da ki phew sien ba la leh da ka tnad pulit ka jylla, utei u heh jong ka seng UDP u la pynpaw ba dei ban ailad ia kiba don ka bor hapoh ka jylla ban shimti bad peit ia ki jingjia kiba jia hapoh ka jylla.
Utei u President jong ka UDP u la ong,”Ngi dei ban don ka jingshaniah ha ki pulit jong ngi, ki bat ia ka kam jong ki, ia ka jingtip, ka jingtbit, ka ktien bad kiba ruh lah ban iaid shane shatai ban khmih bad wanrah ia ka jingbha”.
Ha kaba khadduh, u Bah Metbah Lyngdoh u la iai ban bad ong ia kajuh ba dei ban pynkut bad weng noh shisyndon ia ka AFSPA.
Ka UDP ka dei ka seng ba shah control ha ki ar ngut ki ministers Garo. Haba don 10 ngut ki khasi ministers tang 2ngut ki ministers Garo piet ka Kaei ba ja
Da jia sha kiwei ki state te sawa bha ka sur kine ki mla khasi da jia ha state lajong pat long kum uto u khiew ba dap um