Ym duhnong, ka tnad ka koit ka khiah, na ka jingpyut ki dawai

Shillong, 19 Jylliew:
Ka tnad ka koit ka khiah ka la ong ba kam duhnong eiei na ka jing pyut ei ki dawai ba la thied na ka skhim NRHM, badka daw ka dei namar ba ia kine ki dawai pyut la shu bujli noh.
Ha ka jingtip ba la ioh lyngba ka ain wad jingtip da u Rupang, ka laong ba ka dor jong ki dawai ba la pyut ei ka la kot haduhT.4,04,47,181 klur hapoh ka kudam jong ka NRHM.
Ha kane ka ain wad jingtip la kdew ba ia kine ki dawai ba sniew lathied na ki khathynniew tylli ki kompeni bapher bapher. Ha ka jingtip ba la ioh da ka ain wad jingtip, la pyni ba ki kompenikiba pynpoi dawai sha ka tnad ka koit ka khiah ka jylla ki long kaPharma Stockist, Quinton Road, Shillong, M/s Rin Pharmaceutical, Golflink,Main Road, Shillong, Arengh Medical Supplier, West GaroHills, Tura, M/s Health Care Distributor, Garikhana, Shillong, SanbhaMedicals, Umsohsun, Shillong, Dey’s Drug &Chemicals, Siliguri, EDBAEnterprise, Rngi Rynjah, Shillong, Modern Drugs & Remedies , West GaroHills, Tura, Meghalaya Pharmaceuticals, GS Road, Khyndailad, Shillong,Gee Cee Pharmaceuticals, GS Road, Shillong, M/s Krom Rapsang, Jaiaw Langsning, Shillong, Meghalaya Drugs Distributor, West Garo Hills,Tura, Bimola Pharmaceuticals, LDB Buildings, GS Road, Shillong,Eastern Pharma, Khyndailad, Shillong, Farma Remedies GS Road, Khyndailad, Shillong bad ka Ess Bee Enterprise, Lawmali, Shillong.
Ia kine ki kompeni shalan dawai, la jied lyngba ka jingkhot tenderbad la jied katkum ka jingibit ka kynhun ba dei peit ia kane ka kam,la ong ka jingtip ba la ioh na ka tnad DHS. Ki dkhot ha ka Purchasing Board ki kynthup ia u secretary ka tnad kakoit ka khiah, u director ka DHS (MCH&FW), State Programme Manager kaNRHM, bad uwei u dkhot ba la lah ban thung ha kane ka Board ban peitia ka jingthied dawai. La kdew ba ka sorkar ka la thung ia ka komiti ban pynlong ia kajingtohkit halor ka jingpyut ei ki dawai ha kudam ka NRHM bad haduh mynta kam pat ioh eiei ka jingtip ne ka kaiphod halor kane.