Ujor sha ka MSCDRC, haba kynduh jingeh ha ka thied jingthied

Shillong:U Hon’ble Mr. Justice Shivaji Pandey, retired Judge jong ka Patna High Court u la shimti kum u President ka Meghalaya State Consumer Disputes Redressal Commission (MSCDRC), Shillong ha ka 6 tarik mynta u bnai, 2021. Katei ka State Commission ka treikam pura da ka jingdonlang jong baroh ki dkhot hapoh ki kyrdan kiba kynthup ïa u Bah W Khyllep, IAS (Retd), u C P Marak, IFS (Retd), Bah W Synrem, IES (Retd) bad Dr (Mrs) G B M Mihsil (Retd Jt. DHS).

Katei ka Commission kan pynlong ïa ka jingïakynduh lang kaba manla ka por ban wanrah ïa ki jingjia ba thymmai, ban pynlait noh ruh ïa ki jingjia ne kam barim bad ki jingkyrpad.

Ka State Commission kan pynlong ïa ka jingïakynduh lang hapoh ka Court Room jong ka Meghalaya State Consumer Disputes Redressal Commission, New Administrative Building (Second Floor) ha Lower Lachumiere, Shillong.
Ki paidbah kiba don kino kino ki jingeh lane mad jingjynjar ne jingkhñium haba ïadei bad ki jingdkoh ki kam thied jingthied ki lah ban ujor ïa kitei hakhmat ka Hon’ble Commission katkum ka rukom badei.