Shillong, 19 Jylliew:
Ki nongtrei ka Meg halaya State Housing Board(MSHB) ki dang sah ha ka umdum halor ka rai jong sorkar ban phah shongthait mon sngewbha ne Volunteer Retirement Scheme (VRS) namar ba kim pat shai ia ki nongrim.
Haba iakren bad ki nongtrei kane ka Board kynthup u Bah Teilang Nongsteng, u Bah S Kurkalang ki la ong ba haduh mynta kim pat shaisatia ia ka jingthmu ka sorkar ban pyntreikam ia ka VRS watla ki ladon haduh 16 ngut na ki 39 ngut kiba la pynpaw ban shim VRS katbakiwei kim pat shim rai namar ba ki dang bun snem ban trei. Katkum ka jingong jongki, ka VRS ka iahap tang ia kito ki nongtreikiba la jan shong thait kiba sah sa tang khyndiat snem hynrei ia kibadang bun snem, kan long ka jingduh kaba khraw ia ki ban shu shim VRS.
Katkum ka kyndon ba la buh, kito kiba shim VRS ka sorka kan siewtulop lypa saw snem ia ki hynrei kito ki nongtrei kiba dang don ka portrei sa shiphew snem ne tam, ka VRS kan long ka jingduh nong ia ki.
Ha ka jingialang kaba la long ha u Nohprah, 2014, ka sorkar ka lakhein ba ka jinglut ban phah shim VRS ia ki nongtrei katei ka Boardkan kot sha ka T.7,71,86,142. Katkum ka jingong kine ki nongialam,kane ka jingkhein ka sorkar kam long kaba iahap namar ba kim tip hakano ka dur ka sorkar ka la pynmih ia kane ka jingkhein.
Kine ki nongtrei ka Board ki la ong ba ka sorkar ka dei ban thaw dakawei ka rukom lada ka thmu shisha ban pyntreikam ia ka VRS ia kinongtrei namar ba ka VRS kaba pyntreikam naduh shiphew snem tammynshwa ia ki nongtrei ka MTC, kam iahap shuh bad kane ka por bamynta. Kawei pat ka jingbym ioh jingmyntoi jong ki nongtrei kane ka board kadei ka jingbym pyntreikam ka tnad ia ka Assure Career ProgressionScheme (ACPS) kaba ju ai ka sorkar ia kito ki nongtrei kiba neh hajuhkhlem ioh kiew kyrdan.
Katkum kane ka ACPS ki nongtrei ki bym ioh lad ban kiew kyrdan, kinioh ia kane ka skhim da kaba kin kiew tang ka jingsiew ne ka tulopjongki hynrei ha kane ka ophis, kim bna bad kim pyntreikam ia kane. Ha ka jingshisha ia kane ka Skhim la pyntreikam naduh u snem 2010hynrei ki nongtrei kane ka Board kim bna eiei. Kane ka ACPS ka longkaba donkam ia ki nongtrei kane ka Board namar ba bun kim ioh kiew kyrdan ne promotion namar bym don lad ban ioh kiew kyrdan.
Phi don ban ong eiei?