Kynnoh ka nonghikai ha CIS, ba ka shah leh kynshlein ha u Principal

Nongpoh: Kawei ka Longkmie Khasi bad kaba dei ruh ka Nonghikai hapoh ka skul Christ International School kaba don ha Nongsder, Ri Bhoi, ka la kynnoh ba ka la shah leh kynshlein bad shah kren tohmet ha Dr. C. Vargese, uba dei u Principal jong katei ka skul.

Katei ka Nonghikai, ka la kynnoh ruh ba utei u Dr. C. Vargese, uba la thmu ban leh sniew bad haba um ioh ban leh ia katei ka kam kaba u thmu pyrshah ia ka, namar ba kam ailad, la ong ba utei u Principal u la wengkam syndon ia katei Nonghikai.

Halor katei ka jingjia, kaba la kynnoh da katei ka Nonghikai, kiba haiing hasem jong katei ka Nonghikai, ki la ujor ejahar pyrshah ia utei u Principal ha Umiam Police Station.