Ioh ban ia kynduh bad ka Anju Bobby George, ka Olympian kaba nyngkong ka Ri India ban jop ha ka World Athletics 2003

Shillong: U bah John F Kharshiing, Working President, Meghalaya, ula ioh ia kynduh markhmat ia ka world champion ka Olympian Ms Anju Bobby George, ha nongbah Delhi ha ka jingialang ka Indian Olympic Association (IOA) ha ka 3tarik December 2021. Ha kaba ka Anju ka la shah pynkup burom kum kawei na ki longkmie ka pyrthei kaba kyrpang “Women of the year 2021” da ka World Athletics Awards.

Ka Ms Anju Bobby George, ka Olympian ka la long ka longkmie kaba la wanrah ia ka burom ia ka Ri India ha kaba ka la long ka longkmie kaba nyngkong eh ban jop ia ka takma Bronze Medal ha ka World Athletics Championship ha Paris ha u snem 2003.

Ka Anju Bobby George ka la long ka longkmie ka Ri India kaba nyngkong kaba la jop takma Bronze Medal ia ka Ri India ha ka World Athletics Championship da kaba kynthih 6.70meters ha ka long jump.
Ka la ia khun bad jop takma Gold ha ka IAAF World Athletics Final (ka Competition jingialeh hapdeng ki phra ngut ki ba tbit tam ha pyrthei).

Ka la ioh kyrdan ba san 5th Position ha ka jingkynthih jong ka kaba tbit tam kaba 6.83meters ha ka 2004 Athens Olympics.

Dang shen ka Ms Anju Bobby George, Olympian, la la shah thung da ka Sorkar India ba kan long kawei na ki 13 ngut ki dkhot jong ka Mission Olympic Cell ka Sorkar India.